වැලිසර නාවික පරිශ්‍රයේ සේවා වනිතා ව්‍යාපෘතීන් නිරීක්‍ෂණය සඳහා සේවා වනිතා ඒකකයේ ගරු සභාපතිනිය සහභාගී වෙයි
නාවික හමුදා සේවා වනිතා ඒකකය මඟින් බටහිර නාවික විධානයේ වැලිසර නාවික පරිශ්‍රය තුළ පවත්වා ගෙන යනු ලබන සේවා වනිතා ව්‍යාපෘතීන් නිරීක්‍ෂණය සඳහා සේවා වනිතා ඒකකයේ ගරු සභාපතිනි, අනූෂා බානගොඩ මැතිණිය 2025 මාර්තු මස 28 වැනි දින සහභාගී විය.
ඒ අනුව, ශ්‍රී ලංකා නාවික නෞකා ගැමුණු ආයතනය තුල පවත්වා ගෙන යනු ලබන සේවා වනිතා පෙර පාසල සහ නාවික මහ රෝහල (කොළඹ) හි පවත්වාගෙන යනු ලබන සේවා වනිතා ආපන ශාලාව නිරීක්‍ෂණය කල ගරු සභාපති තුමිය, සේවා වනිතා අවුරුදු පොළ පැවැත්විමට නියමිත ශ්‍රී ලංකා නාවික නෞකා ගැමුණු ආයතනයේ වෙඩි පිටියද, නිරීක්‍ෂණය කෙරිණි.
එහිදී සේවා වනිතා ව්‍යාපෘතීන්ට අනුයුක්තව රාජකාරි කරනු ලබන නාවිකයින් හට ඔවුන් විසින් සිදුකරනු ලබන සේවාවන් තවදුරටත් කැපවීමෙන් සහ කාර්යක්‍ෂමව ඉදිරියටත් සිදුකිරීමට අවශ්‍ය උපදෙස් ලබා දීමට කටයුතු කෙරිණි.
තවද, මෙම අවස්ථාව සඳහා නාවික මහ රෝහල (කොළඹ) හි අණදෙන නිලධාරී කපිතාන් ධම්මික ඒකනායක, සේවා වනිතා ව්‍යාපෘතීන්හි අණභාර නිලධාරීන් සහ සේවා වනිතා ඒකකයේ සම්බන්ධීකරණ නිලධාරි ඇතුළු කාර්ය මණ්ඩලයේ පිරිසක් ද සහභාගී වී සිටියහ.
