නාවික හමුදා සේවා වනිතා ඒකකයේ හිටපු විධායක කමිටු හා කමිටු සාමාජිකාවන් වෙනුවෙන් සමුදීමේ සාදයක්
නාවික හමුදා සේවා වනිතා ඒකකයේ හිටපු විධායක කමිටු සාමාජිකාවන් සහ කමිටු සාමාජිකාවන් වන දමයන්ති නවරත්න මැතිණිය, ඉනෝකා බාලසූරිය මැතිණිය සහ ප්‍රියංකා ජයසිංහ මැතිණිය වෙනුවෙන් සමුදීමේ සාදයක් සේවා වනිතා ඒකකයේ ගරු සභාපතිනී මාලා ළමාහේවා මැතිණියගේ ප්‍රධානත්වයෙන් සහ සේවා වනිතා සාමාජිකාවන්ගේ සහභාගීත්වයෙන් 2024 සැප්තැම්බර් මස 10 වන දින නාවික හමුදා මූලස්ථානයේ නිලධාරී නිවාසයේදී උත්කර්ෂවත් අයුරින් පැවැත්විණි.
නාවික හමුදා තූර්ය වාදක කණ්ඩායමේ සහ නාවික හමුදා නර්ථන කණ්ඩායමේ ගායන, වාදන සහ නර්ථන අංගයන් ගෙන් උත්සවය වර්ණවත් වූ අතර, සේවා වනිතා ඒකකයේ ගරු සභාපතිනිය විසින් නාවික හමුදා සේවා වනිතා ඒකකයෙන් සමුගන්නා ලද විධායක කමිටු හා කමිටු සාමාජිකාවන්ගේ සේවය අගයමින් සමරු තිළිණ සහ ත්‍යාග ප්‍රධානයක් ද එහිදී සිදු කෙරිණි.
තවද, මෙම අවස්ථාව සඳහා සේවා වනිතා ඒකකයේ ජ්‍යේෂ්ඨ හා කණිෂ්ඨ සාමාජිකාවන්, ජ්‍යේෂ්ඨ හා කණිෂ්ඨ කාන්තා නිලධාරිණියන් මෙන්ම සේවා වනිතා ඒකකයේ ලේකම් ඇතුළු කාර්ය මණ්ඩලය ද සහභාගී වී සිටියහ.
